Madrid, 24 de xullo de 2018. As deputadas e deputados de En Marea rexistraron no Congreso un escrito con motivo da convocatoria por parte da Presidenta do Congreso, Ana Pastor, dun pleno para o 25 de xullo, coincidindo co Día Nacional de Galicia.
“A En Marea gustaríalle que se tivese en conta esta circunstancia para a determinación da axenda do Congreso, evitando a súa coincidencia e respectando a celebración oficial de Galicia”, sinala o documento.
A xuízo de En Marea, as institucións do Estado “deben asumir o seu carácter plurinacional e respectar o conxunto dos seus símbolos e celebracións”.
En todo caso, desde este grupo solicitamos que o Congreso tome en consideración o significado e a importancia do Día Nacional de Galicia á hora de establecer a axenda do Congreso e respecte as festividades das diferentes nacións que compoñen o Estado.