Yolanda Díaz pregunta ao estaleiro público sobre as medidas a adoptar para a resolución do conflicto
Ferrol, 19 de outubro de 2017. A voceira de En Marea no Congreso, Yolanda Díaz, volveu rexistrar hoxe no Congreso varias iniciativas para esixir a Navantia o cumprimento dos acordos asinados entre o estaleiro público e a industria auxiliar do naval no ano 2001, e que foron ratificados no ano 2006.
Ademais, Yolanda Díaz denuncia a pasividade de Navantia á hora de non buscar unha solución dialogada ao conflicto, cando se cumpren xa 15 días de folga das traballadoras e traballadores das empresas auxiliares do naval.
Asemesmo, a deputada ferrolana amosa, unha vez máis, o seu apoio ás reivindicacións das traballadoras e traballadores das auxiliares, que “lamentablemente traballan nunha situación de precariedade intolerable no século XXI.
Yolanda Díaz denuncia que para garantir un traballo digno e de calidade non se poden consentir xornadas agotadoras e salarios por debaixo do aprobado no convenio, vivindo prácticamente en condicións de case escravitude.
Díaz denunciou que o sector naval, e especialmente as empresas auxiliares, foron as máis perxudicadas trala crise económica, “e deben recuperarse xa os dereitos laborais e sociais perdidos polas traballadoras e traballadores”.
Así, Yolanda Díaz demanda urxencia á hora de aprobar as táboas salariais, regular as xornadas laborais, erradicando xornadas excesivas e respetando os descansos semanais e establecer acordos específicos para a área de carenas.
Finalmente, a voceira de En Marea alerta dun retroceso nos dereitos laborais de conseguidos 20 anos atrás.