Madrid, 19 de decembro de 2018. A deputada de En Marea, Yolanda Díaz, foi a gañadora do premio á parlamentaria máis activa do Congreso dos Deputados, outorgado pola Asociación de Periodistas Parlamentarios (APP), nos galardóns que concede cada ano en diversas categorías.
“En Marea é un dos grupos con máis iniciativa e máis traballo nesta Cámara. Seguiremos traballando polos intereses das galegas e galegos”, explicou a deputada.
Díaz mostrouse satisfeita polo recoñecemento, que considera “grupal”, e evidenciou a necesidade de chegar a consensos e acordos para mellorar a vida da xente. “Estamos aquí para traballar, para facer política, para chegar a acordos e mellorar a vida das persoas. Somos a voz dos galegos e das galegas nas Cortes e así seguirá sendo”.
Podes consultar os premiados e os finalistas na páxina oficial da APP.