Madrid, 23 de febreiro de 2018. En Marea xunto co Grupo Parlamentario Confederal presentou esta mañá no Congreso a Proposición de lei sobre a protección xurídica das persoas trans.
“Trátase dun texto ambicioso, que nace dos grupos e plataformas de persoas transexuais, e que aboga, dunha forma pionera, polo dereito á libre determinación da identidade sexual e expresión de xénero”, sinalaron a deputada Ángela Rodríguez e a senadora Vanessa Angustia, que participaron na presentación do texto.
As deputadas e os colectivos, presentes no rexistro, calificaron este día como “histórico” para as persoas transexuais e para toda a sociedade española “tras séculos de exclusión, discriminación e patologización”.
Desde os colectivos trans sinalaron que esa proposición de lei “achégase máis á democracia e deixa atrás o franquismo” e recordaron que esta proposta “será o espello onde se miren as nosas irmás de Latinomérica e de Europa”.
Esta proposta cumpre unha demanda histórica e trata globalmente a realidade do colectivo, como aspectos rexistrais, de saúde, educativos, do ámbito laboral, a situación das persoas trans nos centros de reclusión e no ámbito deportivo.